Ukrayna Prezidenti Volodimir Zelenski 17 oktyabrda Vaşinqtonda ABŞ Prezidenti Donald Tramp ilə keçirəcəyi görüş üçün detallı hazırlıqların aparıldığını bildirib.
Yeniera.az xəbər verir ki, Zelenski bu barədə sosial media hesablarında və prezidentliyin rəsmi saytında yayımladığı gündəlik video müraciətində məlumat verib.
O, Rusiyanın Ukraynaya qarşı davam edən hərbi təcavüzünü dayandırmağın vacibliyini vurğulayıb.
Prezident qeyd edib ki, Tramp ilə keçiriləcək görüşə ciddi şəkildə hazırlaşırlar və bu görüş zamanı Ukraynanın ehtiyac duyduğu “PATRIOT” hava hücumundan müdafiə sistemləri və “Tomahawk” qanadlı raketləri kimi məsələlər müzakirə olunacaq.
Zelenski, ABŞ Prezidenti ilə bir neçə gün əvvəl telefonla danışdığını xatırladaraq, “Bəzi həssas məsələləri yalnız üzbəüz görüşdə müzakirə etmək mümkündür,” deyə bildirib.
