İran kəşfiyyatı İsrailin nüvə və hərbi obyektləri haqqında çoxlu məxfi məlumatlar əldə edib.
Yeniera.az xəbər verir ki, bu barədə İranın kəşfiyyat naziri İsmail Xətib bildirib.
“Ölkəyə gətirilən materiallarda İsrailin hərbi və nüvə layihələri, onların modernləşdirilməsi, ABŞ və bir sıra Avropa ölkələri ilə birgə proqramları, həmçinin komandanlıq strukturu və nüvə silahının hazırlanmasında iştirak edən şəxslər haqqında milyonlarla səhifəlik dəyərli məlumatlar var”, – deyə o, Tasnim-ə müsahibəsində deyib.
Onun sözlərinə görə, 189 israilli mütəxəssisin tam profilini, o cümlədən adları, şəxsi məlumatları və ünvanları, həmçinin gizli ikili istifadə obyektlərinin koordinatlarını əldə edib.
Nazir qeyd edib ki, bir çox israilli Baş nazir Benyamin Netanyahuya qarşı şəxsi düşmənçilik zəminində Tehranla könüllü əməkdaşlıq edib.
Tasnim xəbər agentliyi İran agentlərinin İsrailin Dimona yaxınlığındakı nüvə obyektində çəkdiyi sənədləri və video görüntüləri dərc edib.
Rza Əli
