Rusiya silahlı qüvvələri Avropa ölkələrinin müxtəlif su ərazilərində, o cümlədən Baltik dənizində naviqasiyaya mane olan təxribatlarına cavab olaraq bəzən tədbirlər görməyə məcbur olurlar.
Yeniera.az xəbər verir ki, bu sözləri Rusiya prezidentinin mətbuat katibi Dmitri Peskov bildirib.
“Bir sıra akvatoriyalarda, o cümlədən Baltikyanı ölkələrdə Avropa ölkələri və sahilyanı dövlətlər çoxsaylı təxribat xarakterli hərəkətlər edirlər ki, bu da, fikrimizcə, kommersiya naviqasiya azadlığının təmin olunmasına qətiyyən töhfə vermir”, – Kreml rəsmisi kommersiya gəmiləri ilə bağlı insidentlərlə bağlı sualı cavablandırarkən deyib.
“Bəzən bu, bizim silahlı qüvvələrimizi tədbirlər görməyə, belə demək mümkünsə, asayişi bərpa etməyə məcbur edir”, – prezidentin sözçüsü vurğulayıb.
Rusiya prezidentinin mətbuat katibi Fransa sahillərində neft tankerinin sanksiyaları pozmaqda şübhəli bilinərək saxlanılması ilə bağlı mətbuatda yayılan məlumatlara münasibət bildirməkdən imtina edib. “Söhbət etdiyimiz konkret gəmiyə gəlincə, mən heç nə deyə bilmərəm. Bizdə heç bir məlumat yoxdur, ona görə də onun hansı gəmi olduğunu bilmirik”, – Peskov əlavə edib.
İlyas Yalçın
