Almaniyanın keçmiş kansleri Angela Merkelin sözlərinə görə, Macarıstanın baş naziri Viktor Orban müstəqil siyasət yürüdür və Rusiya prezidenti Vladimir Putin üçün Avropa İttifaqında “troya atı” deyil.
Yeniera.az xəbər verir ki, bu barədə o, “Partizan”a müsahibəsində bildirib.
Merkel həmçinin qeyd edib ki, macar siyasətçi həmişə öz ölkəsinin Avropa siyasi səhnəsində maraqlarını aydın şəkildə müəyyən edib: “Xeyr, bu cəfəngiyatdır. Bunu absurd hesab edirəm”, – deyə Merkel bildirib.
Bundan əvvəl Almaniyanın keçmiş kansleri Polşa və Baltikyanı ölkələrin 2021-ci ildə Ukrayna münaqişəsinin həlli cəhdlərini sabotaj etdiyini bildirmişdi. Merkel həmçinin bildirmişdi ki, Avropa müdafiə və hərbi qüvvələrin gücləndirilməsinə bel bağlamaqdansa, Ukraynadakı vəziyyətin diplomatik yolla həllini axtarmalıdır.
Yeganə
