Bu gün, Gürcüstan Xarici İşlər Nazirliyində Gürcüstanda akkreditə olunmuş diplomatik korpusun nümayəndələri ilə görüş keçirilib.
Yeniera.az xəbər verir ki, bu barədə “Gürcüstan Online” agentliyi məlumat yayıb.
Agentliyin məlumatına görə, görüşün əsas mövzusu yerli hakimiyyət orqanlarına seçkilər və 4 oktyabr hadisələri olub.
Gürcüstanın xarici işlər naziri Maka Boçorişvili bu ölkədə akkreditə olunmuş səfirlərin nazirliyə səfərini şərh edib. O qeyd edib ki, diplomatlar töhmətə çağırılmayıb, onlara 4 oktyabr hadisələri ilə bağlı obyektiv məlumat verilib.
“Onlara cəmiyyətimizin canlı izlədiyi məlumatlar verilib. Eyni zamanda 4 oktyabr hadisələri ilə bağlı araşdırmalar aparılır”, – deyə nazir bildirib.
Boçorişvili bildirib ki, müzakirədə beynəlxalq ictimaiyyətin reaksiyasına və onun sözlərinə görə, hadisələri tez-tez təhrif edən, Gürcüstan haqqında yanlış təsəvvürlər yaradan aktyorlara da toxunulub.
“Biz səfirləri tənqid etmək üçün deyil, obyektiv məlumat vermək üçün çağırdıq”, -deyə Boçorişvili bildirib.
Yeganə
