ABŞ-nin “City of Hope” tədqiqat mərkəzinin alimləri SMOC1 geninin ikinci tip şəkərli diabetin inkişafında əsas rol oynadığını müəyyən ediblər.
Yeninera.az araşdırmaya istinadla xəbər verir ki, bu gen mədəaltı vəz hüceyrələrinin davranışını dəyişdirərək insulini istehsal edən beta-hüceyrələrini alfa-hüceyrələrinə çevirə bilir. Nəticədə qanda şəkərin səviyyəsi yüksəlir.
Alimlər qeyd edirlər ki, sağlam insanlarda beta-hüceyrələr insulinin səviyyəsini tənzimləyir, lakin diabet xəstələrində bu balans pozulur və bəzi hüceyrələr “öz funksiyasını unudur”.
Araşdırmanın rəhbəri professor Adolfo Qarsia-Okania bildirib ki, “diabet zamanı hüceyrələr yalnız bir istiqamətdə dəyişir, beta-hüceyrələr alfa-hüceyrələrin xüsusiyyətlərini qazanmağa başlayır, bu da insulinin azalmasına səbəb olur”.
Mütəxəssislər gələcək mərhələdə SMOC1 geninin aktivliyini nəzarət altına almağın yollarını araşdırmağı planlaşdırırlar.
Leyla Cəfərova
