BMT-nin üç xüsusi məruzəçisi də daxil olmaqla, bir neçə BMT eksperti Almaniya hakimiyyətini Fələstinə dəstək üçün qanuni fəallığı kriminallaşdırmanı, təqib etməyi və yatırtmağı dayandırmağa çağırır.
Yeniera.az xəbər verir ki, bu barədə BMT-nin İnsan Hüquqları üzrə Ali Komissarlığının (OHCHR) bəyanatında deyilir.
“Biz davamlı polis zorakılığı insidentləri və Almaniya tərəfindən Fələstin tərəfdarlarına qarşı aşkar repressiyalardan narahatıq”, – OHCHR-in mətbuat xidməti onlardan sitat gətirib.
Qeyd olunur ki, son aylarda Berlində Fələstinlə həmrəylik aksiyalarının iştirakçıları “polis tərəfindən zorakılığa məruz qalıb”, zərərçəkənlərin tibbi yardıma ehtiyacı var.
“Almaniya vəhşilik cinayətlərinin və soyqırımın dayandırılmasına yönəlmiş hərəkətləri yatırtmaq yox, dəstəkləməlidir”, – ekspertlər bildirib. “Heç bir vəziyyət lazımsız və həddindən artıq polis zorakılığına və ya ədalətsiz cinayətə haqq qazandıra bilməz.”