İranın Buşehr Atom Elektrik Stansiyasının (AES) ikinci və üçüncü enerji blokları 2027-2028-ci illərdə istismara verilə bilər.
Yeniera.az xəbər verir ki, bunu İranın energetika nazirinin müavini Mustafa Rəcəbi-Məşhədi bildirib.
“Artıq birinci enerji blokumuz, 1000 meqavatlıq atom elektrik stansiyasımız var. İkinci və üçüncü enerji blokları da Rusiya şirkəti tərəfindən tikilir. Biz onları 2027-2028-ci illərdə istismara verə biləcəyik və İranın atom elektrik stansiyalarının ümumi gücü 3 min meqavata çatacaq”, – o deyib.
Onun sözlərinə görə, kiçik miqyaslı modul tipli atom elektrik stansiyasının tikintisi layihəsinin təsdiqi üçün danışıqlar aparılır.
Qeyd edək ki, sentyabrın sonunda İran və Rusiya İranın cənubundakı Hörmüzqan vilayətində İranın yeni Hörmüz Atom Elektrik Stansiyası üçün dörd enerji blokunun tikintisinə dair 25 milyard dollarlıq saziş imzalayıblar.
Rza Əli