Avropa komissarı Marta Kos bildirib ki, Gürcüstan hökuməti öz xalqını dinləmir və Avropa yolu ilə getmək istəmir.
Yeniera.az xəbər verir ki, Aİ Xarici Əlaqələr Şurasının iclasından əvvəl siyasətçi xarici işlər nazirlərinin Gürcüstanda baş verən həyəcanlı hadisələri müzakirə edəcəklərini açıqlayıb.
“Gürcüstan əhalisi son üç seçkidə, eləcə də davam edən etirazlar zamanı nümayiş etdirdi və rəy sorğuları göstərir ki, onlar Avropanın gələcəyini istəyirlər, lakin Avropa hökumətini deyil. Görünür, onların hökuməti öz xalqını dinləmir və Avropa yolu ilə getmək istəmir.
Opponentlər bildiyiniz kimi, həbsdədirlər, jurnalistlərin və vətəndaş cəmiyyəti təşkilatlarının səsləri boğulur”, – Avropa komissarı qeyd edib.
Kos bəyan edib ki, hakimiyyətdə olanlar ölkədə Aİ əleyhinə dezinformasiyanın yayılmasına şərait yaradır:
“Buna görə də biz bu yalan bəyanatları və Avropa institutlarına, Avropa təşkilatlarının nümayəndələrinə və üzv dövlətlərimizə qarşı edilən bütün hücumları pisləyirik. Biz həmçinin Gürcüstan hökumətini öz xalqını dinləməyə, inklüziv olmağa, vətəndaş cəmiyyəti ilə əlaqə saxlamağa və onların Avropanın bir hissəsi olmaq istəklərinə əməl etməyə çağırırıq”, – deyə Marta Kos yekunlaşdırıb.
Yeganə