Danışıqlar zamanı ABŞ-ın vitse-prezidenti J.D.Vens İsrailin baş naziri Benyamin Netanyahudan Qəzza zolağında münaqişənin həlli üçün sülh sazişinin növbəti mərhələlərinə keçmək üçün hər şeyi həyata keçirmək şans və vaxt verməsini istəyib.
Yeniera.az xəbər verir ki, bu barədə “Axios” portalı iki yüksək rütbəli amerikalı diplomata və bir İsrail rəsmisinə istinadən məlumat yayıb.
Oktyabrın 22-də keçirilən danışıqlarda Vens Netanyahudan maksimum əməkdaşlıq istəyib və Vaşinqtonu narahat edən və sülh razılaşmasını poza biləcək bəzi məqamlara diqqət çəkib.
Konkret olaraq, müzakirələr keçən həftə sonu İsrail əsgərlərinə edilən hücumlara cavab olaraq HƏMAS tərəfdarlarına zərbələr endirilməsi, həmçinin İsrail hökumətinin Qəzzaya humanitar yardımın çatdırılmasına məhdudiyyətlər qoyması ilə bağlı olub. Vens İsrail tərəfini təmkinli olmağa çağırıb.
Portalın mənbələrinin məlumatına görə, Netanyahu ABŞ-ın vitse-prezidentinə bildirib ki, İsrail sülh sazişinin çərçivəsinə sadiq qalacaq və tərəflərin yaxın gələcəkdə sülh sazişinin növbəti mərhələlərinə keçə biləcəklərini gözləyir.
Eyni zamanda, amerikalı diplomatların da qeyd etdiyi kimi, danışıqlar ərəfəsində Netanyahu razılaşma çərçivəsində növbəti addımların həyata keçirilməsinə keçmək mümkünlüyünə şübhə ilə yanaşdığını bildirib.
Yeganə
