“Formal olaraq Rusiya günahkar göstərilir. Amma əslində müharibədən Qərb daha çox faydalanır. Ukraynanın ərazi və əhalisi azalır, Qərb isə bunu bəhanə edərək öz siyasi-iqtisadi planlarını həyata keçirir”, – deyə Abbasov qeyd edib.
O, əlavə edib ki, Avropa hər zaman Rusiyaya yuxarıdan aşağı baxıb. Sovet dövründə SSRİ bir çox sahələrdə Qərbi üstələdi və bu, güc balansını dəyişdi. Sovetlərin NATO-ya qoşulmaq cəhdinin əngəllənməsi də bunun göstəricisidir.
“Rusiya zəngin enerji resurslarına malikdir. ABŞ bu vəziyyətdən istifadə edərək bahalı qazını Avropaya satır. Buna qarşı çıxan Macarıstan və Slovakiya təzyiq hədəfinə çevrilir. Müstəqil mövqe nümayiş etdirdiklərinə görə proseslərdə kənara sıxışdırılırlar”, – deyə siyasi şərhçi vurğulayıb.
Politoloqun sözlərinə görə, vəziyyət uzun müddət davam edə bilməz. Ən azı bir kanal açıq qalmalıdır ki, tərəflər mövqelərini çatdıra bilsin. Diplomatiya çevik işləsə, maneələr aradan qalxar və dialoq nəticə verər.
Ariz Həsənoğlu
