Braziliya prezidenti Luiz İnasio Lula da Silva Donald Trampla telefon danışığı zamanı ABŞ-nin qalan tariflərinin qaldırılması ilə bağlı danışıqları davam etdirmək niyyətində olduğunu bildirib.
Yeniera.az bu barədə TASS-a istinadən xəbər verir.
Lula da Silva ABŞ-nin ət, qəhvə və meyvə kimi bəzi Braziliya məhsullarına tətbiq etdiyi əlavə 40% rüsumun ləğvini alqışlayıb və bunu müsbət addım hesab edib. O, həmçinin ölkələrin tariflərə tabe olan digər malları da müzakirə etməli olduğunu vurğulayıb və Braziliyanın bu mövzuda tezliklə danışıqlara başlamaq istədiyini qeyd edib.
İki lider regionda təhlükəsizlik və beynəlxalq mütəşəkkil cinayətkarlıqla mübarizə sahəsində əməkdaşlığı da müzakirə ediblər. Tramp Braziliya ilə əməkdaşlığa hazır olduğunu bildirib və iki ölkənin cinayətkar təşkilatlara qarşı birgə təşəbbüslərinə dəstək verəcəyini vəd edib.
Yeniera.az