ABŞ Prezidenti Donald Tramp bu gecə Oval Ofisdən bəyanatla çıxış edəcək.
Yeniera.az xəbər verir ki, bu barədə “Roll Call” portalında dərc olunan ABŞ liderinin açıq qrafikində qeyd olunub.
Bildirilib ki, bəyanatın mövzusu hələlik açıqlanmayıb. Tədbirin başlanğıcı yerli vaxtla saat 16:30-a (Bakı vaxtı ilə 01:30) planlaşdırılıb.
Bundan əlavə, yerli vaxtla saat 10:00-da (Bakı vaxtı ilə 19:00) ABŞ lideri kəşfiyyat məsələləri ilə bağlı qapalı brifinqdə iştirak edəcək. Saat 11:00-da isə (Bakı vaxtı ilə 20:00) öz administrasiyasının iclasını keçirəcək.
Daha sonra Vaşinqton vaxtı ilə saat 19:00-da (30 yanvar, Bakı vaxtı ilə 04:00) Donald Tramp və həyat yoldaşı Melaniya Tramp ABŞ-nin birinci xanımı haqqında çəkilmiş filmin nümayişində iştirak edəcəklər.