Pakistan və Əfqanıstan arasında münaqişə yenidən alovlanıb.
Yeniera.az xəbər verir ki, Pakistan hərbi qüvvələri Əfqanıstanın Kunar bölgəsini raket atəşinə tutub.
Hücumlarda mülki şəxslərin hədəf alındığı iddia edilir.
Pakistanla Əfqanıstan arasında böhran 2025 və 2026-cı illərdə hərbi toqquşmalarla açıq müharibə mərhələsinə çatıb. Gərginliyin kökündə Əfqanıstandan Pakistan ərazisinə hücumlar həyata keçirən Təhriki-Taliban Pakistan (TTP) yaraqlılarının hərəkəti dayanır.
Pakistan qonşusunu TTP-ni himayə etməkdə ittiham edir.
Taliban rəsmiləri 2024 və 2025-ci illərdə İslamabad hökumətinin Əfqanıstan ərazisində hava əməliyyatlarına qarşı çıxaraq bunu suveren hüquqlarının pozulması kimi dəyərləndirib.
Təhlükəsizlik məsələlərindən əlavə iki qonşu ölkə arasında tarixi fikir ayrılıqları da var. Əfqanıstan tərəfindən rəsmi olaraq tanınmayan Durand Xətti sərhəd məsələsi və Pakistandakı milyonlarla əfqan qaçqının zorla geri qaytarılması münasibətləri daha da gərginləşdirib./teleqraf