Dietoloq Nikol Dandrea-Rassert və qida texnoloqu Minvey Syu sağlamlıq üçün təhlükəli ola bilən kartofun hansı hallarda qətiyyən yeyilməməli olduğunu açıqlayıblar.
Yeniera.az xəbər verir ki, onların “Simply Recipes” nəşrinə verdiyi məlumata görə, cücərmiş və ya yaşıllaşmış kartof istehlak etmək ciddi sağlamlıq riski yarada bilər.
Mütəxəssislərin sözlərinə görə, kartof günəş işığına məruz qaldıqda onun tərkibində solanin və çakonin adlı qlikoalkaloidlər əmələ gəlir. Bu maddələr yüksək miqdarda olduqda zəhərli təsir göstərə bilər.
Minvey Syu bildirib ki, kartofun üzərində yaşıl ləkələr və cücərtilər görünürsə, bu, həmin zərərli maddələrin artdığının göstəricisidir.
Nikol Dandrea-Rassert isə əlavə edib ki, ən çox zəhərli maddə kartofun cücərtilərində, yaşıl qabığında və “göz” adlanan hissələrində toplanır. Onun sözlərinə görə, cücərmiş kartofda qlikoalkaloidlərin konsentrasiyası daha yüksək olur.
Mütəxəssislər kartofun sərin, quru və qaranlıq yerdə, yaxşı hava dövranı olan şəraitdə saxlanılmasını tövsiyə edirlər. Həmçinin bildirirlər ki, kartofu saxlanma yerinə qoymazadan əvvəl yuymaq lazımdır./publika