Zəngilan rayonunun Ağalı kəndində “Qarabağa Qayıdış – İlk Texnika Festivalı” keçirilib.Festival Kənd Təsərrüfatı Nazirliyi və “Prior Lizinq” MMC-nin təşkilatçılığı, Azərbaycan Prezidentinin Cəbrayıl, Qubadlı və Zəngilan rayonları üzrə xüsusi nümayəndəliyinin dəstəyi ilə baş tutub.
Yeniera.az xəbər verir ki, tədbirdə müxtəlif markalara məxsus traktorlar, kombaynlar, kotanlar, torpaq hazırlayan və dərmançiləyən aqreqatlar, eləcə də digər kənd təsərrüfatı texnikaları nümayiş etdirilib. Fermerlər texnikaların imkanları ilə tanış olub, mütəxəssislərdən məlumat alıblar.
Festival çərçivəsində texnikaların 40 faiz dövlət subsidiyası, ilkin ödənişsiz və 7 ilədək faizsiz lizinq şərtləri ilə təqdim olunacağı bildirilib. Fermerlər üçün 3–6 aylıq operator təlimləri və aqrotexniki dəstəyin də nəzərdə tutulduğu qeyd edilib.
Tədbirdə müxtəlif yarışlar və əyləncə proqramları da təşkil olunub.
