Ermənistan Baş nazirinin aparatının beynəlxalq-hüquqi məsələlər üzrə nümayəndəsinin ofis rəhbəri Liparit Drmeyan tutduğu vəzifədən azad edilib.
Yeniera.az-ın erməni KİV-lərinə istinadən verdiyi məlumata görə, Baş nazir Nikol Paşinyan müvafiq qərarı avqustun 29-da qəbul edib.
Avqustun 28-də N.Paşinyan bəyan edib ki, hökumət üzvləri, xüsusilə “Ermənistan Elektrik Şəbəkələri” şirkəti məsələsində onun fikrinə zidd mövqe tutmaq hüququna malik deyillər.
“Hökumət mənəm. Heç kəs mənim mövqeyimə zidd mövqe tuta bilməz. Ümumiyyətlə, əgər hökumətdə mənim mövqeyimə zidd mövqe tutan insanlar varsa, qoy elə indi ərizə yazıb binaları tərk etsinlər, yoxsa mən özüm onları buradan çıxaracağam. Biz arbitraj məhkəməsində qalib gəldik və öz mövqeyimizi müdafiə etdik”, – N.Paşinyan bəyan edib.