Abşeron rayonu Saray qəsəbəsi ərazisində qəsdən adam öldürməkdə şübhəli bilinən 1967-ci il təvəllüdlü Pərviz Məlikov saxlanılıb
Bu barədə Yeniera.az-a Abşeron rayon prokurorluğundan məlumat verilib.
Araşdırma zamanı 1967-ci il təvəllüdlü Pərviz Məlikovun qardaşı arvadı 1972-ci il təvəllüdlü Əminə Məlikovaya bıçaqla xəsarət yetirərək sonuncunu qəsdən öldürməsinə əsaslı şübhələr müəyyən edilib.
Faktla bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Pərviz Məlikov iş üzrə şübhəli şəxs qismində tutulub.
İbtidai istintaq davam etdirilir.
