Almaniya Limanlarının Mərkəzi Assosiasiyası (ZDS) Almaniyanın müdafiə naziri Boris Pistoriusdan mümkün müharibəyə hazırlaşmaq üçün müdafiə büdcəsindən pul ayırmağı xahiş edib.
Yeniera.az xəbər verir ki, bu barədə “DPA” məlumat yayıb.
Məlumatda qeyd olunub ki, limanlar hərbi ssenarilərdə logistika qovşaqları kimi mərkəzi əhəmiyyət kəsb edir və müharibə vəziyyətində “birinci hücum xətti”nə çevrilirlər.
Nəşr iddia edir ki, hazırlıq və müdafiə tədbirlərinin maliyyələşdirilməsi üçün büdcədən 3 milyard avro lazımdır. Vəsaitlər ağır yükdaşımaları üçün ərazilərin inkişafı, yanalma qurğuları, liman obyektlərinin hücumlardan və kibertəhlükələrdən qorunması tədbirlərinin həyata keçirilməsinə yönəldiləcək.
Vüsal Ömərov
