Zaqatalada TIR-la minik maşını toqquşub.
Sfera.az bildirir ki, hadisə Yevlax- Zaqatala-Gürcüstan sərhəd magistral yolunun Zaqatalanın Əliabad qəsəbəsindən keçən hissəsində baş verib.
Bakı istiqamətində hərəkətdə olan Türkiyə dövlət nömrə nişanlı iri tonnajlı yük maşını ilə Zaqatala rayon sakininin idarə etdiyi “Chevrolet Niva” markalı avtomobil toqquşub.
Qəzadan sonra TIR-ın sürücüsü xəsarət almasada, Chevrolet markalı avtomobildə olan iki nəfər- Zaqatalanın Yengiyan kənd sakini 32 yaşlı Məhəmməd Bünyad oğlu Mahmudov və Höytala kənd sakini 58 yaşlı Şamil Məhəmməd oğlu Dadayev aldıqları müxtəlif dərəcəli bədən xəsarətləri ilə Zaqatala Rayon Mərkəzi Xəstəxansının (RMX) Cərrahiyyə korpusunun İkinci Təcili Tibbi Yardım şöbəsinə yerləşdirliblər.
Hər iki şəxsin müalicəsi xəstəxanada davam etdirilir.
Qeyd edək ki, qəzada xəsarət alan şəxslər Kənd Təsərrüfatı Nazirliyi yanında Dövlət Baytarlıq Xidmətinin Zaqatala Rayon Baytarlıq Epidemiologiya İdarəsinin əməkdaşlarıdır. Qəzaya düşən maşın isə xidmət avtomobilidir.
Faktla bağlı araşdırma aparılır.