Böyük Britaniyada müdafiə naziri vəzifəsinə Den Cervis təyin olunub.
Yeniera.az xəbər verir ki, bu barədə Baş nazir Kir Starmerin ofisi məlumat yayıb.
Bildirilib ki, o, Con Hilini əvəz edib.
Baş nazir Kir Starmer yeni təyinatı açıqlayarkən bildirib ki, Britaniya Silahlı Qüvvələri gücləndirilir və ölkənin üzləşdiyi təhlükələrə daha effektiv cavab verilməsi üçün müdafiə sistemində islahatlar davam etdiriləcək.
“Silahlı qüvvələrimizi gücləndirdiyimiz və ölkəmizin üzləşdiyi artan təhdidlərə cavab verdiyimiz üçün Den Cervisi müdafiə naziri təyin etməkdən məmnunam”, – deyə Starmer bildirib.
Den Cervis 1997-2011-ci illərdə Britaniya ordusunda, Paraşüt Alayında zabit kimi xidmət edib. Bu müddət ərzində o, Kosovo, Sierra Leone, İraq və Əfqanıstanda hərbi əməliyyatlarda iştirak edib.
O, 2011-ci ildən parlament üzvü kimi fəaliyyət göstərir. Müxtəlif dövrlərdə Cənubi Yorkşir meri və Leyborist Partiyasında təhlükəsizlik naziri vəzifələrini də icra edib. 2024-cü ildə isə Daxili İşlər Nazirliyində təhlükəsizlik üzrə məsul vəzifəyə təyin olunmuşdu.
Con Hili isə müdafiə naziri vəzifəsindən ayrılmasını müdafiə xərcləri ilə bağlı hökumət daxilində yaranan fikir ayrılıqları ilə izah edib.