Çexiyada hakimiyyət koalisiyasının yaradılması haqqında sazişi oktyabrın 3-də və 4-də parlamentin Deputatlar Palatasına (aşağı palata) keçirilən seçkilərində ən yaxşı nəticələr əldə etmiş siyasi hərəkatların liderləri imzalayıblar.
Yeniera.az bildirir ki, hökumət koalisiyası ANO (Narazı Vətəndaşların Fəaliyyəti), SPD (Azadlıq və Birbaşa Demokratiya) və Motorist (Avtomobilçilər) hərəkatlarından ibarətdir.
Onlar parlamentin aşağı palatasındakı 200 deputatdan 108-nin dəstəyinə malikdir.
Saziş Deputatlar Palatasının təsis iclasının başlamasına bir saat qalmış imzalanıb. Partnyor partiyalar spiker postuna SPD sədri Tomio Okamuranın namizədliyini irəli sürüblər.
Eyni zamanda, məzmunu əvvəllər Çexiya mediasına açıqlanmış gələcək hökumətin siyasət bəyanatının mətnini rəsmi olaraq təqdim etdilər. Bu sənəd Çexiyanın NATO və Aİ üzvlüyünə sadiqliyini vurğulayır və bu ölkədə mümkün qədər tez sülhə nail olmaq məqsədi ilə Ukraynaya diplomatik dəstək müddəasını ehtiva edir.
Yeganə
