Naxçıvanın tanınmış iş adamı, Naxçıvan Şəhər Bələdiyyəsinin sabiq sədri Hüseyn Orucəliyev vəfat edib.
Yeniera.az Anz.az-a istinadən xəbər verir ki, Hüseyn Orucəliyev Naxçıvanda müasir mətbəəçilik sahəsinin formalaşmasında mühüm xidmətləri ilə tanınıb. O, müstəqilliyin ilk illərində Naxçıvanın ilk özəl mətbəəsini yaradaraq bu sahənin inkişafına töhfə verib.
Qeyd edək ki, Hüseyn Orucəliyev görkəmli ziyalı, Əməkdar müəllim və pedaqoq Nəriman Orucəliyevin ailəsində dünyaya gəlib. O, uzun illər sahibkarlıq fəaliyyəti ilə yanaşı, xeyirxah əməlləri ilə də cəmiyyətdə böyük hörmət qazanıb.
Hüseyn Orucəliyevin təşəbbüsü ilə 1991-ci ildə “Qızıl Dağ” MMC fəaliyyətə başlayıb və müəssisə sonrakı illərdə Naxçıvanın iqtisadi həyatında özünəməxsus yer tutub.
