ABŞ-da 40 illik genişmiqyaslı araşdırma nəticəsində içməli suya flüorun əlavə edilməsi idrak qabiliyyətlərini zəiflətmədiyi qənaətinə gəlib. Üstəlik, flüorlu kran suyu ilə böyüyən uşaqlar sonralar flüorlu su içməyənlərə nisbətən riyaziyyat və oxumaqda bir qədər yaxşı çıxış etdilər.
Yeniera.az xəbər verir ki, araşdırma “Science Advances” jurnalında dərc olunub.
Minnesota Universitetinin tədqiqatçıları 1980-2021-ci illər arasında 1000-dən çox Amerika liseyindən 26 820 şagirdin oxuduğunu anlama, riyaziyyat və lüğət testlərindən əldə edilən məlumatları təhlil ediblər.
Bu məlumatlar onların hamiləlikdən bəri qəbul edə biləcəyi flüorid səviyyələri, habelə onların sağlamlığı, sosial-iqtisadi vəziyyəti, ətraf mühit və digər amillərlə bağlı digər məlumatlar ilə müqayisə edilmişdir.
Tədqiqat müəyyən edib ki, tövsiyə olunan flüorid tərkibli içməli su (litrdə 0,7 milliqram) yeniyetməlik və ya yetkinlik dövründə insanların idrak performansına mənfi təsir göstərmir. Arşdırma bunun səbəbini açıqlamasa da, əksinə, flüorlu kran suyu içən insanlar test nəticələrini bir az daha yaxşı göstərdilər.
Yeganə