Məşhur irland musiqiçisi və “The Frames” rok qrupunun solisti Qlen Hansard Dublin ətrafında motosiklet qəzasında ölüb.
Yeniera.az xəbər verir ki, qəza Lukan şəhərinin Stroberri Beds ərazisində baş verib. Onun motosikleti avtomobillə toqquşub. Hansard tibbi yardıma baxmayaraq, hadisə yerində ölüb.
Qlen Hansard “The Frames” qrupunu 1990-cı ildə təsis edib. Qrupun Fitzcarraldo, For the Birds, Burn the Maps və The Cost albomları İrlandiyada geniş populyarlıq qazanıb. O, həmçinin, yeddi solo albom buraxıb.
2006-cı ildə Hansard musiqiçilərin rol aldığı “Once Upon a Time” filmi üçün “Falling Slowly” kompozisiyası üzərində çex pianoçusu Marketa İrglova ilə əməkdaşlıq edib. 2008-ci ildə “Falling Slowly” “Ən Yaxşı Orijinal Musiqi” nominasiyasında Oskar mükafatı qazanıb./unikal
