İyunun 26-dan davam edən güclü leysan yağışları və daşqınlar Pakistanda genişmiqyaslı insan tələfatına və dağıntılara səbəb olub.
Yeniera.az xəbər verir ki, təbii fəlakət nəticəsində azı 804 nəfər həyatını itirib, 1088 nəfər isə xəsarət alıb.
Ən çox zərər görən bölgə 479 nəfərin həlak olduğu Hayber Paxtunxva əyalətidir. Şərqi Pəncab əyalətində isə ölənlərin sayı 167 nəfərə çatıb.
Daşqınlar nəticəsində 5700-dən çox binaya ziyan dəyib, onlardan təxminən 1700-ü tamamilə dağılıb. 800-dən artıq xilasetmə əməliyyatı aparılıb, 30 minə yaxın insan müvəqqəti düşərgələrdə yerləşdirilib.
Qeyd edək ki, Pakistanda musson mövsümü iyun-sentyabr aylarını əhatə edir və bu dövr güclü yağışlarla yanaşı, tez-tez daşqın və digər fəlakətlərə səbəb olur.
Vüsal Ömərov