Rusiyalı müğənni Filip Kirkorov ötən ilin yazında konsert zamanı ağır xəsarət alıb. Bildirilir ki, o, səhnədə yanıq xəsarəti alıb və vaxtında müalicə olunmaması fəsadlara yol açıb. Nəticədə sənətçi xəstəxanaya yerləşdirilib. Müalicədən sonra Kirkorov səhnəyə qayıtsa da, ilkin çıxışları zamanı özünü qeyri-sabit hiss edib və hətta səhnədə yıxıldığı da qeyd olunub. Daha sonra onun səhhətinin yaxşılaşdığı və hadisənin unudulduğu bildirilmişdi.
Yeniera.az xarici KİV-ə istinadən xəbər verir ki, müğənninin səhhətində son zamanlar yenidən pisləşmə müşahidə olunur. Bildirilir ki, Kirkorov vəziyyətini ictimaiyyətdən gizlətməyə çalışsa da, tez-tez özünü pis hiss edir. Müğənniyə yaxın bir mənbə onun real durumunu açıqlayıb.
Məlumata görə, Filip Kirkorov səhnə fəaliyyətini davam etdirmək üçün mütəmadi olaraq dərman qəbul etməyə məcburdur. Lakin bu tədbirlər hər zaman istənilən effekti vermir və bu hal sənətçi üçün ciddi çətinliklər yaradır.
Mənbənin sözlərinə görə, müğənninin səhhətinə bir sıra amillər, o cümlədən şəkərli diabet və çəkiyə nəzarət üçün istifadə edilən dərmanlar da təsir göstərir.Ajans.az
