Ukraynanın Azərbaycandakı səfirliyində avqustun 28-nə keçən gecə Rusiyanın Kiyevə hücumu nəticəsində həlak olanların qurbanlarının xatirəsinə başsağlığı kitabı açılıb.
Yeniera.az xəbər verir ki, bu barədə Ukraynanın Azərbaycandakı səfiri Yuri Qusev “X” hesabında yazıb.
“Rusiyanın 4-ü uşaq olmaqla 23 nəfərin ölümü ilə nəticələnən hücumundan sonra avqustun 29-da Kiyev və vilayətdə matəm günü elan edilib. Başsağlığını Ukraynanın Azərbaycandakı səfirliyinin ünvanına göndərmək olar: “emb_az@mfa.gov.ua”, – səfir yazıb.
