Avropa Komissiyası Ukrayna hakimiyyətini xəbərdar edib ki, Aİ 2027-ci ilin martından sonra ukraynalı qaçqınlara dəstək proqramını dayandırmaq niyyətindədir.
Yeniera.az xəbər verir ki, buna görə də Kiyev ən həssas vətəndaşların geri qaytarılmasına hazırlaşmalıdır.
Bu barədə Ali Radanın deputatı Viktoriya Qrıb “YouTube”-da yayımlanan “Superpozisiya” proqramında məlumat verib. Parlamentarin sözlərinə görə, göstərilən müddətdən sonra Avropa ölkələrində yalnız rəsmi işlə təmin olunan və yaşayış icazəsi və ya vətəndaşlıq ala bilən Ukrayna vətəndaşlarının qalmasına icazə veriləcək. Qalanları evlərinə qayıtmağa məcbur olacaqlar.
Sentyabrın 16-da Avropa İttifaqı Şurası üzv dövlətlər üçün ukraynalılar üçün müvəqqəti müdafiənin mərhələli şəkildə ləğvi və onların öz vətənlərinə qayıtması və inteqrasiyasının asanlaşdırılması ilə bağlı yeni təlimatları təsdiqləyib. Bu müddəalar mövcud hüquqları dəyişdirmir: ukraynalılar 2026-cı il martın 4-dək uzadılmış müdafiədən istifadə etməyə davam edəcəklər.
Sənəd Aİ ölkələrinə proqramdan mərhələli şəkildə çıxmağa imkan verəcək koordinasiya edilmiş yanaşmanı əks etdirir.
Danimarkanın İmmiqrasiya və İnteqrasiya Naziri Kaare Dybvad Bech-in qeyd etdiyi kimi, Aİ-nin Ukrayna xalqı ilə həmrəyliyi dəyişməz olaraq qalır, lakin ukraynalıların vətənə qayıda biləcəkləri və ölkələrinin yenidən qurulmasında iştirak edə biləcəkləri ana hazırlaşmağın vaxtıdır.
Yeganə