ABŞ prezidenti Donald Tramp İranın Qəzza zolağında vəziyyətin nizamlanması üçün oktyabrın 9-da İsrail və Fələstinin Həmas hərəkatı arasında imzalanmış sazişləri dəstəklədiyini bildirib.
Yeniera.az xəbər verir ki, Amerika lideri Ağ Evdə hökumətin iclasında respublikanın əməkdaşlığa hazır olduğunu qeyd edib.
Ağ Evin mətbuat ofisi tərəfindən yayılan açıqlamalarının videosuna görə Tramp qeyd edib:
“İran bizə bu razılaşmanı tam dəstəklədiklərini söylədi. Onlar bunun əla addım olduğunu düşünürlər və biz bunu yüksək qiymətləndiririk. Biz onlarla işləyəcəyik”.
Prezident həmçinin qeyd edib ki, ABŞ-ın İrana qarşı sanksiyaları var.
“Biz onların öz ölkələrini yenidən qura bilmələrini istəsək də, nüvə silahına malik ola bilməzlər”, – deyə Tramp əlavə edib.
Yeganə