Çin Nəqliyyat Nazirliyinin açıqlamasında bildirilir ki, oktyabrın 14-dən etibarən Çin ABŞ gəmiləri üçün xüsusi liman haqqı tətbiq edəcək.
Yeniera.az xəbər verir ki, departamentin rəsmi saytında yerləşdirilən bəyanatda qeyd edildiyi kimi, oktyabrın 14-dən etibarən Çin ABŞ şirkətlərinə məxsus və ya idarə etdiyi gəmilər, eləcə də ABŞ şirkətlərinin, digər təşkilatların və ya fiziki şəxslərin birbaşa və ya dolayısı ilə səhmlərin 25% və ya daha çox hissəsinə sahib olduğu gəmilər üçün xüsusi liman haqqı yığmağa başlayacaq.
“2025-ci il oktyabrın 14-dən xalis ton üçün 400 yuan (təxminən 56 dollar), 2026-cı il aprelin 17-dən hər bir xalis ton üçün 640 yuan (təxminən 89 dollar), 2027-ci il aprelin 17-dən isə hər ton üçün 880 yuan (təxminən 3 dollar), 2028-ci il aprelin 17-dən hər xalis ton üçün 1120 yuan (təxminən 157 dollar) rüsum tutulacaq”, – deyə məlumatda bildirilir.
Qeyd olunur ki, bir gəmi bir reys zamanı bir neçə Çin limanına zəng edərsə, xüsusi liman haqqı yalnız ilk çıxış limanında ödəniləcək.
Agentlik bu tədbirlərin ABŞ-ın Çin gəmiləri üçün liman rüsumları tətbiq etməsinə cavab olduğunu vurğulayıb.
Yeganə