Rusiyanın xarici işlər naziri Sergey Lavrov, Suriyanın Tartus və Xmeymimdəki Rusiya hərbi bazalarının saxlanılmasında maraqlı olduğunu və bu bazaların humanitar mərkəz kimi istifadə oluna biləcəyini bildirib.
Yeniera.az xəbər verir ki, bu barədə “TASS” məlumat yayıb.
“Suriya tərəfi Tartus və Xmeymimdəki hərbi bazalarımızı saxlamaqda maraqlıdır. Prezidentin dediyi kimi, biz ev sahibi ölkə olan Suriya Ərəb Respublikasının maraqlarına arxalanırıq”, – deyə Lavrov bildirib.
Nazir əlavə edib ki, yeni şəraitdə bu bazalar hərbi forpost kimi yox, fərqli rol oynaya bilər.
Yeganə