“Qarabağ”ın mövsümün sonunda heyətinə cəlb edəcəyi ilk futbolçu müəyyənləşib.
YENİERA.az Kipr mətbuatına istinadən xəbər verir ki, bu “Omoniya”nın vingeri Jali Muaddibdir.
25 yaşlı fransalı sol cinah oyunçusu artıq “Qarabağ”la hərtərəfli anlaşıb. Hətta tərəflərin üçillik ilkin müqavilə imzaladıqları da vurğulanıb.
Muaddib Ağdam təmsilçisinə azad agent kimi keçəcək. Çünki onun “Omoniya” ilə müqavilə müddəti mövsümün sonunda bitəcək.
“Qarabağ” Muaddibi həmyerlisi Abdullah Zubirə layiqli əvəzləyici kimi görür.
Qeyd edək ki, Jali Muaddib 2019-cu ildə Fransanın U-19 yığmasının heyətində 3 oyun keçirib, 1 qol vurub.