ABŞ Dövlət Departamenti beş ölkədəki xarici diplomatik nümayəndəliyi bağlamağı planlaşdırır.
Yeniera.az xəbər verir ki, bu barədə “Reuters” agentliyi məlumat yayıb.
“ABŞ Dövlət Departamenti Konqresə beş xarici nümayəndəliyin bağlanması planları barədə məlumat verib ki, bu da Amerikanın qlobal diplomatik mövcudluğunun ixtisarının nadir halıdır”, – məlumatda deyilir.
Bildirilir ki, söhbət Qrenadadakı səfirlikdən, Yaponiyanın Naqoya, İndoneziyanın Medan və Kanadanın Vinnipeq şəhərlərindəki konsulluqlardan, həmçinin Kamerunun Duala şəhərindəki səfirlik şöbəsindən gedir. Məlumata görə, xarici diplomatik şəbəkənin bu cür ixtisarı hər hansı konkret geosiyasi hadisə ilə bağlı deyil.
Dövlət Departamenti nümayəndəliklərin bağlanması planlarını birbaşa təsdiqləməsə də, ABŞ-nin xaricdə “səmərəli və rasional” diplomatik mövcudluğunu təmin etməyə çalışdığını açıqlayıb.