Türkiyə mediası kartofların uzun müddət cücərmədən saxlanması üçün effektiv və sadə üsul təqdim edib.
Yeniera.az xəbər verir ki, Haber Global-ın məlumatına görə, kartofları plastik torba yerinə bez torbada saxlamaq havalandırmanı təmin edir və nəmin qarşısını alır. Ən diqqətçəkən məqam isə budur ki, torbanın içinə cəmi bir ədəd alma qoymaq kartofların tez cücərməsinin qarşısını alır. Belə ki, almada olan etilen qazı cücərmə prosesini ləngidir.
Mütəxəssislər həmçinin bildirirlər ki, kartofları sərin, qaranlıq və yaxşı havalanan yerdə saxlamaq, həmçinin soğandan ayrı tutmaq da onların daha uzun müddət sağlam qalmasına kömək edir.
Bu üsulla kartofları aylarla saxlamaq mümkündür.
Gülnar Həmidova