“Daha bir gözəl armadamız İrana doğru üzür”
ABŞ gəmilərindən ibarət daha bir armada İrana doğru hərəkət edir.
Yeniera.az xarici mətbuata istinadən xəbər verir ki, bu barədə ABŞ Prezidenti Donald Tramp Ayova ştatının sakinləri qarşısında çıxışı zamanı bildirib.
“İndi daha bir gözəl armadamız İrana doğru üzür, baxarıq. Ümid edirəm ki, onlar razılığa gələcəklər”, – dövlət başçısı bildirib.
Xatırladaq ki, ötən gün Tramp İranın yaxınlığında ABŞ-nin böyük armadasının olduğunu söyləmişdi. O, İran tərəfinin razılığa gəlmək üçün dəfələrlə zəng etdiyini açıqlamışdı. “Middle East Eye” nəşri isə İrana artıq bu həftə zərbə endirilə biləcəyi barədə xəbər yayıb.
