“Birbank”ın 17 noyabr 2025-ci il – 31 yanvar 2026-cı il tarixləri arasında keçirilən Yeni il lotereyası yekunlaşıb.
Qaliblər 23 fevral 2026-cı il tarixində baş tutan tirajda bəlli olub. 3 000 000-a yaxın “Birbank”lının şansını sınadığı lotereyada 10 000 nəfər təsadüfi seçim əsasında qalib adını qazanıb.
Lotereyada 9 900 nəfər müxtəlif (10, 25, 50, 150, 250) “Bir bonus”u qazandığı halda, 9 nəfər “iPhone 17 Pro” markalı mobil telefona sahib olub. 20 qalibə “Apple Watch SE2”, 30 qalibə 500 manat dəyərində səyahət paketi hədiyyə olunub. 40 nəfər isə “AirPods 4” qulaqlığını qazanıb.
Lotereyanın superprizi olan “Sea Breeze”də “Park Lane” yaşayış kompleksində yerləşən mənzil isə 1 nəfər şanslı “Birbank”lının payına düşüb.
Lotereya qaliblərinin siyahısı
Qeyd edək ki, lotereyada iştirak qeydiyyatsız həyata keçirilib. Belə ki, “Birbank debet”, “Birbank taksit” və “Birbank Star” kartları ilə ödəniş edən hər kəs lotereyada avtomatik iştirak etmək şansı qazanıb.
Daim ən son rəqəmsal yeniliklər və bank məhsulları təqdim edən “Kapital Bank”ın əmtəə nişanı olan “Birbank”, 3 milyondan çox aktiv istifadəçisi olan mobil tətbiqi, 115 filial və 53 şöbədən ibarət Azərbaycanda ən böyük filial şəbəkəsi ilə müştərilərinin xidmətindədir. Bank 2025-ci ilədək ölkənin birinci bankı “Kapital Bank” adı altında müştərilərinə xidmət göstərib və “PAŞA Holding”ə daxildir. “Kapital Bank” isə hazırda maliyyə institutu olaraq fəaliyyətini davam etdirir.
Bankın məhsul və xidmətləri barədə daha ətraflı məlumat almaq üçün birbank.az saytına, 196
Əlaqə Mərkəzinə və ya bankın müxtəlif sosial şəbəkələrdə olan səhifələrinə müraciət edə bilərsiniz.