Sabah Biləsuvar rayonunun 6 kəndində qaz təchizatında müvəqqəti fasilə yaranacaq.
Yeniera.az “Azəriqaz” İstehsalat Birliyinə istinadən xəbər verir ki, qazın verilişinin dayandırılmasına səbəb təmir-quraşdırma işlərinin aparılmasıdır.
Belə ki, saat 10:00-dan etibarən işlər başa çatanadək Ağalıkənd, Dərvişli, Amankənd, Ovçubərə, Yuxarı Cürəli və Aşağı Cürəli kəndlərinin qaz təchizatı dayandırılacaq.
“Azəriqaz”ın məlumatına görə, işlər yekunlaşdıqdan sonra qazın verilişi bərpa olunacaq.