Bəzi yerlərdə qanunsuz parklanma və ikinci cərgədə dayanma və durma qaydasının pozulmasına görə cərimə ilə yanaşı, 2 bal da tətbiq edilir.
Nəzərə alsaq ki, 20 ballıq limit var, bu da xüsusən də gündəlik taksi fəaliyyəti ilə məşğul olanlar üçün o qədər yetərli deyil.
Yeniera.az xəbər verir ki,yol hərəkəti qaydaları üzrə ekspert Elməddin Muradlı deyir ki, gün ərzində saatlarla sükan arxasında olan taksi sürücülərinə dayanma-durma və avtobus zolağı ilə bağlı tətbiq olunan cərimə balları onların qısa müddətdə limitə yaxınlaşmasına səbəb olur. Nəticədə sürücülük hüququnun məhdudlaşdırılması riski yaranır.
O hesab edir ki, məsələnin həlli üçün qanunvericiliyə yenidən baxılmalıdır.
Amma burda bəzi istisinalar da var. Mütəxəssislər təklif edirlər ki, işıqforun qırmızı işığında keçmə və digər daha ağır qəzalara səbəb ola biləcək inzibati xətalarda bal olsun.
Elməddin Muradlının fikirincə, yaxın vaxtlarda cərimə balları sistemi yenidən nəzərdən keçirilməsi və xüsusilə dayanma-durma qaydalarına görə tətbiq olunan ballarla bağlı dəyişiklik edilməsi gözlənilir. Bununla bağlı təklif hazırlanır.
Xezerxeber.az mövzu ilə bağlı daha ətraflı videomaterialı təqdim edir.