Dişlərdəki saralma problemi ilə mübarizə aparmaq üçün bəzi təbii üsullar effektiv nəticə verir.
Yeniera.az xəbər verir ki, zamanla düzgün ağız baxımının olmaması, qeyri-sağlam qidalanma və digər amillər dişlərin saralmasına səbəb olur.
Diş məcunu və diş ipindən istifadə hər zaman kifayət etmədiyindən, bir sıra təbii üsullar köməyə gəlir.
1. Çörək sodası ilə fırçalama:
Çörək sodası dişlərin səthindəki ləkələri zərər vermədən təmizləməyə kömək edir. Həftədə 2-3 dəfə diş məcununun üzərinə bir qədər çörək sodası əlavə edərək dişlərinizi fırçalamaqla təbii ağartma effekti əldə etmək mümkündür.
2. Hindistan qozu (kokos) yağı ilə qarqara:
Kokos yağı lövhələri təmizləyir və dişlərin ağarmasına kömək edir. Gündə bir dəfə, səhərlər 10-15 dəqiqə bu yağı ağızda saxlayıb çalxalamaq, sonra isə yumaq tövsiyə olunur.
3. Portağal qabığı ilə sürtmək:
Portağal qabığının iç hissəsindəki təbii turşular diş səthindəki sarı ləkələri azaltmağa kömək edir. Qabığın iç tərəfini dişlərə sürtüb, bir neçə dəqiqə sonra ağızı su ilə yaxalamaq kifayətdir.
Bu üsullar müntəzəm tətbiq olunduqda dişlərin təbii parlaqlığını bərpa etməyə və daha sağlam görünüş əldə etməyə şərait yaradır.
Gülnar Həmidova