ABŞ xüsusi təyinatlıları İranın hava məkanında vurulan “F-15E Strike Eagle” qırıcı təyyarəsinin ikinci heyət üzvünün xilas edilməsi əməliyyatı zamanı özlərinin iki C-130 nəqliyyat təyyarəsini partlatmağa məcbur olublar.
Yeniera.az xəbər verir ki, bu barədə “ABC News” telekanalı öz mənbələrinə istinadən məlumat yayıb.
Mənbənin sözlərinə görə, təyyarələr axtarış-xilasetmə qrupunun İran ərazisinə enməsindən sonra palçığa batıb. ABŞ hərbi qulluqçuları təyyarələrin İran tərəfinin əlinə keçməməsi üçün onları qəsdən məhv ediblər.
“Nəticədə komandanlıq yaralı pilotun və xüsusi təyinatlı bölmələrin Küveytə təxliyəsi üçün əlavə üç təyyarə göndərməli olub”, – məlumatda qeyd edilib.