“Biz həqiqətən də İranın 400 kiloqramdan çox zənginləşdirilmiş uranının hazırda harada olduğunu bilmirik”.
YENİERA.AZ Musavat.com-a istinadən xəbər verir ki, bunu Atom Enerjisi üzrə Beynəlxalq Agentliyin (AEBA) baş direktoru Rafael Qrossi bildirib.
Onun sözlərinə görə, təşkilatın İranın 60 faizədək zənginləşdirilmiş uran ehtiyatlarının harada saxlandığına dair etibarlı məlumatı yoxdur:
“Ən son təsdiqlənmiş məlumatlara görə, 2025-ci ilin iyununda İsrail və ABŞ tərəfindən İranın nüvə obyektlərinə endirilən zərbələrdən əvvəl Tehranın sərəncamında 440,9 kiloqram belə uran var idi. Əgər bu miqdar təxminən 90 faizədək zənginləşdirilərsə, nəzəri cəhətdən bir neçə nüvə döyüş başlığı hazırlamaq üçün kifayət edir.
Biz İrandan müfəttişlərə lazımi məlumatların verilməsini və obyektlərə girişin təmin olunmasını tələb edirik həmçinin mümkün qədər tez bir zamanda tammiqyaslı yoxlamaların bərpa edilməsinə çalışırıq”.

