Perunun baş prokuroru Tomas Qalvez Konqres tərəfindən vəzifəsindən uzaqlaşdırılan prezident Dina Boluartenin ölkədən çıxışını qadağan etmək niyyətindədir.
Yeniera.az xəbər verir ki, bu barədə “TASS” məlumat yayıb.
“Bu gündən biz onun ölkədən çıxışına qadağa qoyulması ilə bağlı vəsatət qaldırmalıyıq. Sübh açılan kimi onu həm vilayət prokurorluğuna, həm də Baş Prokurorluğa təqdim edəcəyik, çünki onlar araşdırma aparırlar”,- deyə Qalvez yerli RPP radiostansiyasına deyib.
Perunun Baş Prokurorluğu daha əvvəl Boluarteyə qarşı bir neçə cinayət işi açmışdı.
Agentlik dövlət başçısını qanunsuz varlanmada, etirazçıların ölümündə iştirakda, vəzifə borcunu yerinə yetirməməkdə və gizlətməkdə şübhəli bilir.
Oktyabrın 9-da Peru Konqresi təhlükəsizlik böhranı səbəbindən Boluartenin impiçmentinə yekdilliklə səs verib. Boluarte Konqresin iclasına gəlməyib.
Yeganə