Futbol üzrə Argentina millisinin hücumçusu Lionel Messi futbolçu karyerasını davam etdirib-etdirməyəcəyi ilə bağlı sualı cavablandırıb.
Yeniera.az xəbər verir ki, bu barədə tanınmış jurnalist və insayder Fabritsio Romano “X” sosial şəbəkəsindəki hesabında məlumat yayıb.
“Fayda verə bildiyim, özümü fiziki baxımdan gümrah hiss etdiyim və komanda yoldaşlarıma dəstək imkanım olduğu müddətdə karyerama son qoymayacam. Hələ bir müddət oynamağa davam edəcəyəm”, – deyə Messi bildirib.
Qeyd edək ki, bu gün dünyaca məşhur forvardın 39 yaşı tamam olub. O, hazırda Argentina millisinin heyətində DÇ-2026-da çıxış edir.