Bu bağçalarda təhsil haqqının bir hissəsini valideyn, digər hissəsini isə dövlət ödəyəcək. Dövlət dəstəyi ilə özəl bağçalara qəbulun şərtləri açıqlanıb.
Yeniera.az xəbər verir ki, yeni maliyyələşmə modeli ilə bağlı danışan Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaldızlı bildirib ki, məktəbəqədər təhsil sahəsində dövlət–özəl–valideyn tərəfdaşlığı modeli çərçivəsində tətbiq ediləcək yeni mexanizmdən yalnız müəyyən tələblərə cavab verən özəl məktəbəqədər təhsil müəssisələri yararlana biləcək.