İsrail hərbçiləri Livanın cənub rayonlarına yeni zərbələr endirib, hədəf kimi “Hizbullah” təşkilatının hərbi obyektləri göstərilib.
News24.az xəbər verir ki, bu barədə ordunun mətbuat xidməti məlumat yayıb.
Gün ərzində ordu Məzraat-Abudiya yaşayış məntəqəsində “Hizbullah”ın bir neçə mühəndis maşınına hücum edib. İsrail tərəfinin versiyasına görə, bu texnika hərbi infrastrukturun bərpası üçün istifadə olunurdu.
Bundan əlavə, “Hizbullah” silahlı birləşmələrinin üzvü məhv edilib, rayonların bir hissəsində isə tanklara qarşı raketlərin saxlandığı anbarlar və digər hərbi təyinatlı binalar da daxil olmaqla, hərbi infrastrukturu məhv etmək məqsədi ilə zərbələr endirilib.