Türkiyə Prezidenti Rəcəb Tayyib Ərdoğan Ankarada səfərdə olan ABŞ Prezidenti Donald Tramp ilə təkbətək görüş keçirir.
Yeniera.az Türkiyə mətbuatına istinadən xəbər verir ki, görüş çərçivəsində dövlət başçıları mətbuata açıqlama ilə çıxış ediblər.
“NATO Sammitinin bu gün Ankarada keçirilməsi və bütün liderlərin hazırda ölkəmizdə bir araya gəlməsi, dəyərli dostum Trampın da bu tədbirdə iştirak etməsi bizə ayrı bir güc qatacaq”, – Ərdoğan bildirib.
Tramp isə Türkiyə lideri ilə aralarında çox gözəl münasibətin olduğunu deyib.
“Aramızda çox xüsusi bir münasibət var. Türkiyənin çox güclü lideri var. Güclü hərbi gücü var. Çox güclü bir ölkədir. Bu münasibətimiz sayəsində hər şey yaxşı gedir. Prezidentə çox böyük hörmətim var”, – ABŞ lideri söyləyib.
Türkiyəyə F-35 qırıcılarının tədarükü haqqında danışan Ağ Ev rəhbəri bu mövzunu müzakirə edəcəklərini deyib.
****
Liderlər arasında təkbətək görüş başa çatıb.
Məlumata görə, görüşdən sonra liderlərin ikitərəfli saziş imzalaması gözlənilir.
Həmçinin Tramp Recep Tayyip Erdoğan ilə keçirdiyi ikitərəfli görüşdən sonra ABŞ-nin Türkiyəyə qarşı tətbiq etdiyi sanksiyaların ləğv ediləcəyini açıqlayıb.
