Bəzi insanlar incik düşdükləri biri ilə dəfələrlə danışır, izahat gözləyir, hətta ikinci və üçüncü şans verirlər. Bəziləri isə tək bir yalan və ya xəyanətdən sonra həmin insanı həyatlarından çıxarırlar. Astroloqlara görə, bu qətiyyət xüsusilə dörd bürcdə daha çox özünü göstərir.
Qoç bürcü özünə layiq görmədiyi insanlarla vaxt itirmir.
Astroloq Leslie Hale xatırladır ki, bu bürcü müharibə planeti kimi tanınan Mars idarə edir. Qoç onu yarı yolda qoyan və ya ona xəyanət edən biri ilə əlaqəni kəsməzdən əvvəl iki dəfə düşünmür. Onsuz da böyük dost çevrəsi əvəzinə kiçik, lakin möhkəm bir çevrəyə üstünlük verir.
Astroloq Elisa Robyn isə deyir: “Qoç döyüşçüdür və hər an döyüşə hazırdır. Onu təhrik etsəniz, qılıncını çıxarar və sizinlə əlaqəsini kəsər.”
Şir bürcü sədaqətinin qarşılığını görmədiyi münasibəti bitirməkdən çəkinmir.
Günəş tərəfindən idarə olunan və krallıqla əlaqələndirilən Şir sevdiklərinə qarşı ən sadiq dostlardan biri ola bilər. Şir hər münasibətdə başqalarının onunla necə davrandığını ən vacib məsələ hesab edir.”
Şir bunu bir qədər də öz gələcəyini qorumaq üçün edir. Onu aşağı çəkəcək insanlarla vaxt keçirməkdənsə, tək qalmağa üstünlük verir.
Əqrəb daxili dünyasına qəbul etdiyi biri ona xəyanət edərsə, qapını bağlayır.
Əqrəb kimləri yaxın çevrəsinə buraxmaq məsələsində çox seçicidir. Hale bildirir ki, bu bürcün çox az insana açdığı sirlər onun üçün olduqca ciddidir və əlavə edir: “Bir dəfə Əqrəbin etimadını qazandıqdan sonra ona haqsızlıq etsəniz və ya xəyanət etsəniz, özünüzü qəfildən çöldə, içəriyə baxan vəziyyətdə tapa bilərsiniz.”
Robynə görə də Əqrəb nə istədiyini və nə istəmədiyini çox yaxşı bilir. “İstəmədiyi” tərəfə düşən bir insana isə ikinci dəfə düşünmədən arxa çevirir.
Dolça bürcü yalançılara və pis niyyətli insanlara dözə bilmir.
İnsanları sevən və başqalarına kömək etməkdən zövq alan Dolça demək olar ki, hər kəslə dostluq edə bilər. Lakin Robynə görə, bu bürcün bağışlaması göründüyü qədər asan deyil: “Sizi bağışlamış kimi davrana bilərlər, amma onları incitdiyinizi heç vaxt unutmazlar. Tək qalmaqdan çəkinmirlər və sizin yerinizi asanlıqla başqa biri ilə doldura bilərlər.”
Yenə də hər şey bitmiş sayılmır. Robyn bu dörd bürcdən biri ilə münasibətiniz pozulubsa, üzr istəməyi, onu necə incitdiyinizi qəbul etməyi və ikinci şans istəməyi tövsiyə edir. Əgər sizi sevirlərsə, qapını yenidən aça bilərlər. Lakin bundan sonra artıq “sınaq müddətində” olduğunuzu unutmamalısınız.//Demokrat.az