İranın Sənəndəc şəhərində ağır yol-nəqliyyat hadisəsi baş verib.
Yeniera.az xəbər verir ki, Sənəndəc-Həmədan avtomobil yolunda yanacaq daşıyan tankerin iştirakı ilə baş verən qəza güclü partlayış və yanğına səbəb olub.
İlkin məlumatlara görə, hadisə nəticəsində 11 nəfər həyatını itirib, 6 nəfər isə yaralanıb. Partlayışdan sonra ərazidə bir neçə avtomobil də yanıb.
Məlumata əsasən, qəzanın tankerin əyləc sistemində yaranan texniki nasazlıqdan sonra baş verdiyi bildirilir. Yanğın artıq nəzarət altına alınıb.
Hadisə yerinə xilasedicilər, yanğınsöndürənlər və digər aidiyyəti qurumların əməkdaşları cəlb olunub. Ərazidə təmizləmə və qəzanın səbəblərinin müəyyənləşdirilməsi ilə bağlı araşdırmalar davam etdirilir.///Sfera.az