Parlamentin büdcə layihəsində 2026-cı ildən əmək pensiyaları indeksləşdiriləcək və sosial xərclərin payı artacaq.
Pensiyaların indeksləşdirilməsi Azərbaycan vətəndaşlarının sosial rifahına necə təsir edəcək?
Mövzu barədə Yeniera.az-a açıqlama verən iqtisadçı Xalid Kərimli bildirib ki, hər il ölkədə pensiyaların avtomatik idenksasiya sistemi mövcuddur:
“Pensiya qanunvericiliyində göstərilib ki, növbəti ildə pensiyaların artım faizi əvvəlki ildə orta aylıq əmək haqqının artım faizinə uyğun artırılacaq. Hazırkı rəqəmləri götürsək, DSK-nın statistik məlumatlarına görə, ölkədə 9 ay ərzində muzdlu işlərdə çalışan şəxslərin orta aylıq əmək haqqı 9.5 faiz artıb, əgər bu artım faizi ilin sonuna qədər saxlanılsa, növbəti ilin fevral ayının əvvəli yanvarın 1-dən olmaq şərti ilə pensiya alanların pensiyası 9.5 fazi artılımış olacaq. Yəni, bu avtomatik rejimdədir. Hər il fevralın əvvəli bu artımlar dəqiq bilinir, yanvarın 1-dən artımlar qüvvəyə bilir və fevral ayının pensiyasında yanvar ayının da artımı nəzərə alınaraq 2 aylıq artım fevralda edilir. Nə üçün fevral ayında edilir? Çünki muzdlu işçilərin orta aylıq əmək haqqı statistikası 1 aydan sonra təqdim edilir və dekabrın sonuna olan məlumatı da hər zaman fevralın əvvəlində öyrənirik. Rəqəmlar məlum olandan sonra da Prezidentin sərəncamı ilə pensiyalar yanavarın 1-dən “Pensiya haqqında” qanunvericiliyə uyğun olaraq pensiyaların indeksasiyası baş verir. Bu, hazırkı statistikalara görə belədir. Təbii ki, statistikalar necə dəyişəcəksə, ilin sonunda bu məsələlər daha dəqiq bilinəcək”.
Pensiyaların indeksləşdirilməsinin vətəndaşlara təsirinə gəlincə, iqtisadçı vurğulayıb ki, bu, pensiya alan şəxslərin sosial rifahını artıracaq:
“Pensiyaların indeksləşdirilməsi və artımı onların inflayasiya nəticəsində itirdikləri məbləğləri müəyyən qədər kompensasiya edəcək”.
Ariz Həsənoğlu